Джордж Сорас выдзяляе 100 млн даляраў Цэнтральнай і Ўсходняй Еўропе. Гэтыя сродкі пойдуць на змякчэнне наступстваў крызісу для бедных, добраахвотных таварыстваў і няўрадавых арганізацый. Таксама Сорас звярнуўся з прапановай да Еўразвязу выдзеліць больш сродкаў не толькі краінам гэтага рэгіёну, што ўжо ўступілі ў ЕС, але і Ўкраіне.

Агулам Сорас ахвяраваў ужо каля трох мільярдаў даляраў на дабрачынныя мэты. У асноўным сродкі ахвяраваліся на пабудову дэмакратычнага ладу і падтрымцы каштоўнасцяў адкрытага грамадства ў былой зоне савецкага панавання. У Беларусі Фонд Сораса дзейнічаў да 1997 году. читать дальше »

Як загрузіць адзьняты мабільнікам відэафайл у Сеціва? Ды ўсё проста, падаецца: адзьняў, дайшоў да свайго кампа або кавяранкі, скінуў файл на комп, закінуў на YouTube.

Колькі часу мінае між здыманьнем ды загрузкай? Ды па-рознаму, натуральна, але ў любым выпадку не адразу. Ды й загрузка на YouTube трывае не сэкунду, а прынамсі пару хвілінаў ад убіцьця вурла ў адрасны радок Мазілы да пацьверджаньня.

А вось калі трэба запампаваць відэа імгненна, не пасьля запісу, а ўвадначасьсе з ім? Як у простым этэры? Скажам, на дэманстрацыі, калі міліцыянт вось-вось можа выбіць апарат з рук (што, дарэчы, звыклая рэч ня толькі ў Беларусі, але й на дэманстрацыях антыглябалістаў па ўсім сьвеце, калі "робаты" машуць дручкамі без увагі на тое, што трапляецца пад гуму)? Ці бачыш, як на тваіх вачох адбываецца дарожны выпадак, і важна, каб пра гэта імгненна даведаліся? Або калі ты бачыш, як падатковы інспэктар зьбівае жанчыну? Карацей, калі ты не пасьпяваеш данесьці тэлефон да кампа з падлучэньнем да Сеціва, бо альбо тэлефон папросту не дажыве, ці інфармацыя такога кшталту, што маруднасьць можа каштаваць жыцьця?

Магчымасьць імгненнай запампоўкі відэа анлайн паралельна зь ягоным запісам (live online streaming) дае сэрвіс Qik.com. Патрэбны камунікатар пад кіраваньнем Windows Mobile, iPhone OS або Symbian з наяўнасьцю мабільнага дасягу да Сеціва ды камэрай. Пажадана таксама мець тарыфны плян зь вялікай колькасьцю ўлучанага трафіка, бо вядома, наколькі "цяжкімі" могуць быць відэафайлы. Зараз, зь зьяўленьнем тарыфу Life ;-). Інтэрнэт 1000 ды наступнага павялічэньня аб'ёму ўлучанага трафіку на існых плянах іншых апэратараў (прыкладам, Вэлком імгненна накінуў 100 МБ да існых 150 на пляне Business.Pro.Web), а таксама ўсё большага распаўсюджаньня камунікатараў і смартфонаў, прагонка мультымэдыя па мабільных каналах нават у Беларусі выглядае рэалістычнай і мае шанцы стацца масавай. У адрозьненьні ад двух гадоў таму, калі відэастрымінґ быў вырачаны заставацца забаўкай 'тэхнікаў' або экспэрымэнтатараў рознага капылу. читать дальше »