Пры прыродных катастрофах сацыяльныя сеткі лёкка пераадольваюць тыя праблемы, зь якімі сутыкаюцца традыцыйныя мэдыі пры асьвятленьні таго, што ў праўных угодзінах стандартна называюць "the act of God".»»

Навучальная пляцоўка "Будзь пераменамі, якія хочаш бачыць", якая мае сваёй статутнай мэтай спрыяньне актыўнаму ўдзелу моладзі ў разьвіцьці дэмакратычных супольнасьцяў, запрашае беларусаў ва ўзросьце ад 18 да 32 гадоў складаць заявы на праграму разьвіцьця лакальных праектаў.

Адной з тэмай дадзенага сэмінару будзе Беларусь і тамтэйшае становішча з правамі чалавека.»»

Прэмія імя Курта Шорка (Kurt Schork) прызначаецца журналістам, якія прадэманстравалі мужнасьць і пасьлядоўнасьць у асьвятленьні спрэчных і небясьпечных аспэктаў грамадзка-палітычнага жыцьця ў краінах на стадыі пераходу ці разьвіцьця (прыклады тэмаў - этнічныя канфлікты, абарона правоў чалавека, праблемы міграцыі й падобныя).

Прэмія прысуджаецца ў дзьвюх катэгорыях: для мясцовых рэпартэраў, што пішуць на лакальныя тэмы, і для фрылансэраў, якія працуюць зь міжнароднай тэматыкай. Памер аднолькавы ў абодвух выпадках: $5 000.

Тэрмін падачы заяваў выбягае 22-га чэрвеня 2009 года.

Прачытаць пра крытэры адбору й скласьці заяву можна вось тутака.

Міжнародны цэнтар для журналістаў (International Center for Journalists) запрашае да высоўваньня намінантаў на атрыманьне прэміі Knight International Journalism Awards 2009. Прэміі прызначаюцца выбітным рэпартэрам-міжнароднікам, якія прадэманстравалі высокую прафэсійнасьць і прыхільнасьць найвышэйшым стандартам журналістыкі на тле почасту цяжкіх перашкодаў.

На атрыманьне прэміі можна намінаваць прафэсійных журналістаў, кіраўнікоў СМІ, грамадзянскіх журналістаў ды інаватараў сацыяльных мэдыяў (digital news innovators). Сярод леташніх намінантаў - рэдактар аднаго зь беларускіх СМІ, рэпартэр з Уганды з спэцыялізацыяй на правох чалавека, блогер з Эгіпту, які адсочвае выпадкі паліцэйскіх надужыцьцяў, сьледчы рэпартэр зь Бірмы.»»

Грамадзяне Ўкраіны, Беларусі, Армэніі, Азэрбайджану, Грузіі, Казастану, Летувы, Малдовы й Славаччыны, а таксама грамадзяне Расеі-жыхары Каралявецкага абводу, што маюць ступень PhD (кандыдата ва ўсходне-эўрапэйскай сыстэме) запрашаюцца да складаньня прапановаў на фундаваньне кароткатэрміновых (2-4 тыдні) праектаў да выкананьня на базе Ўнівэрсытэту Мічыгану. Праекты маюць выконвацца ў супрацы з партнэрам з Унівэрсытэту ды могуць быць як дасьледчымі (research), так і навучальнымі (teaching). Пэрыяды выкананьня - альбо студзень-красавік, альбо верасень-сьнежань 2010 года.

Прапанаваныя праекты могуць датычыць любой дзядзіны, у якой працуе Ўнівэрсытэт.

Заяўнікі маюць знайсьці сабе партэра ва Ўнівэрсытэце, які будзе ўвадначасьсе й навуковым кіраўніком.»»

Праграма "Стажыроўка імя Паўла Цігрыда" прадугледжаная для маладых людзей (25-30 год), якія займаюцца актыўнай грамадзкай дзейнасьцю ў Беларусі. Стажыроўку арганізуе Асацыяцыя па міжнародных пытаньнях www.amo.cz.

Галоўная мэта - даць магчымасьць удзельнікам стажыроўкі азнаёміцца з працэсамі трансфармацыі ў Чэхіі, дзейнасьцю ўрадавага й няўрадавага сэктароў, а таксама магчымасьць паўдзельнічаць у працы чэскіх грамадзкіх арганізацыях на пазыцыі практыканта. 

Арганізатары кампэнсуюць выдаткі на візы, страхоўку, праезд, пражываньне. Удзельнікам стажыроўкі выплочваецца стыпэндыя.

 Праграма складаецца зь дзьвюх частак:

 - першая частка адбудзецца з 3.05.2009 да 29.05.2009,»»

Вітаю! Ніжэй - спасылкі на чатыры грантавыя конкурсы, у якіх могуць браць удзел і беларускія няўрадавыя арганізацыі. Праблему я бачу толькі ў тым, што народ з НЎА на Беларусі й так напэўна ведае пра гэтыя гранты.»»

(Знайшоў абвестку на старонцы Белапану :-). Дакладней кажучы, яна мне самахоць ўвалілася ў скрынку rss-чытальніка. Праўда, трохі папрацаваць і тутака давялося, бо калегі не падалі чамусьці спасылку на старонку, дзе трэба складаць заявы)

Інстытут еўрапейскай палітыкі (IEP, Берлін) прапануе стыпендыі для дактарантаў і маладых дактароў з Беларусі для напісання працы ў межах навучальнай праграмы па еўрапейскай бяспецы.

Стыпендыя для правядзення даследавання на працягу трох-чатырох тыдняў у Берліне ўключае пражыванне, праезд, сродкі на кішэнныя расходы, аднаразовую выплату ад 3 тыс. еўра, а таксама магчымую кароткачасовую камандзіроўку ў Брусель для правядзення інтэв'ю і даследаванняў .

Праграма доўжыцца з лютага 2009 года па жнівень 2010 года ў супрацоўніцтве з фондам "Фальксваген". Апошні тэрмін падачы заяў — 20 сакавіка 2009 года.

Болей падрабязна з умовамі ўдзелу, мэтавай аўдыторыяй праграмы ды працэдурай складання заяў можна пазнаёміцца на вось гэтай старонцы Інстытута Еўрапейскай Палітыкі.

(зыходнік ад "Белапану")

(выкладаю, на жаль, запозна, але конкурс на стыпэндыі адбываецца штогоду, так што як нехта ня дасьць рады ў сёлета, то можа паспрабаваць налета)

Унівэрсытэт Сіці (City University - назва паходзіць не ад мескага статусу ўнівэрсытэту, а яго месцазнаходжаньня каля вядомага фінасавага цэнтру брытыйскае сталіцы) штогоду прапануе некалькі стыпэндыяў для студэнтаў як з ЭЗ, так і з краінаў па-за ягонымі межамі для фінасаваньня навучаньня на атрыманьне ступені PhD. У рамах стыпэндыі кошт адукацыі пакрываецца цалкам; апроч гэтага, студэнт атрымлівае £14 000 штогоду на пакрыцьцё арэнды ды жыцьцёвых выдаткаў ды £1 000 на адведзіны профільных канфэрэнцыяў у Брытаніі. Памер стыпэндыі пераглядаецца штогоду ў мэтах кампэнсацыі інфляцыі. Пасьпяховыя кандыдаты атрымліваюць стыпэндыю на год наперад; працяг фінансаваньню залежыць ад іхных посьпехаў у бягучым годзе.

Заявы на прыймо на PhD можна складаць у якую-заўгодна школу (факультэт) унівэрсытэту.

Болей падрабязную інфармацыю можна знайсьці тутака.»»

Унівэрсытэт Ўэстмінстэра (Лёндан) прапануе дваццаць поўных стыпэндыяў на атрыманьне ступені PhD па наступных кірунках:

• архітэктура, плянаваньне, турызм, транспарт
• дызайн ды мастацтва
• бізнэс ды кіраваньне
• праграмаваньне, інфарматыка
• ангельская літаратура
• права
• мэдыцына й ахова навакольнага атачэньня
• мэдыі й камунікацыі
• палітыка й міжнародныя стасункі
• псыхалёгія

Стыпэндыя перадугледжвае поўнае пакрыцьцё коштаў навучаньня ды 15 000 фунтаў штогоду на тэрмін максымум у тры гады.

Па болей падрабязную інфармацыю прашу зьвяртацца сюды. Скласьці заяву можна вось тутака. Тэрмін складаньня заяваў выбягае 3-га сакавіка. »»