На адным з першых фестываляў імя Агінскага ў Смаргоні піяніст Уладзімір Авадок атрымаў Гран-пры конкурсу выканаўцаў. З таго часу Смаргонь стала для кар’еры музыканта шчаслівай кропкай адліку.

У мінулую суботу пасля абеду на стадыёне гімназіі №4 у Смаргоні чуўся трэскат матацыклетных матораў. Ва ўпартай барацьбе за перамогу сышліся дзве мотабольныя каманды з Мінска – юнацкая “Зара-2” і ДЮСШ. Летась падчас правядзення ў нашым горадзе кірмашу выступалі на гэтай жа спартыўнай пляцоўцы мотабалісты з Гродна.

Тэма будаўніцтва ў краіне першай атамнай электрастанцыі апошнім часам не сыходзіць са старонак перыядычных выданняў. У нашым раёне абмеркаванне гэтага пытання актывізавалася адначасова з дзейнасцю даследчыкаў па вывучэнню астравецкай пляцоўкі для магчымага размяшчэння будучай АЭС.“Астравецкая праўда” не магла застацца ў баку ад гэтай актуальнай тэмы.

Жнівень – месяц Маці Божай Вострабрамскай. У перадапошнюю нядзелю гэтага месяца вось ужо ў шаснаццаты раз прыходзяць да яе пілігрымы. З Беларусі, Польшчы і з Літвы.
Упершыню ў Меку беларускіх католікаў – Вільню – да Найсвяцейшай Заступніцы адправілася пілігрымка з Астравеччыны. Удзел у ёй прынялі 37 чалавек. Узначаліў вандроўку пробашч Кямелішскаўкага касцёла ксёндз Яўген, якому дапамагалі манахі-кармяліты.