Беларускі МЗС пацярпеў паразу ад школьніцы.

16-ці гадовая беларуская грамадзянка Тацяна Казыра застаецца ў ЗША. Перамовы беларускага МЗС з барысаўскай школьніцай ў Пэталуме не ўдаліся. Школьніца адмовілася скарыстацца квітком ў Менск, тэрмін якога скончыўся ў нядзелю.

16-ці гадовая дзяўчынка паведаміла каліфарнійскім журналістам пра прапановы беларускага ўраду ў выпадку яе вяртаньня на радзіму: “Па-першае, гэта рамонт нашага дому, кажа Таня. Па-другое, я змагу вучыцца ў каледжы. Таксама, мяне заўсёды будзе ахоўваць міліцыя”.

Пасол па асобых даручэньнях Павал Шыдлоўскі, які паводле ягоных слоў, “прыехаў у Пэталуму ў інтарэсах дзяўчынкі”, з тым, каб Таня зрабіла “ўдумлівы і дарослы выбар” называе рашэньне застацца ў ЗША “няправільным”.

З пункту гледжання беларускай дыпляматыі,  учынак Тацяны можа паставіць пад пагрозу будучыню чарнобыльскай праграмы ў ЗША. Дзякуючы ёй Амэрыку штогод наведваюць 1.400 беларускіх дзяцей. І ў мяне склалася ўражанне, што як мінімум на бліжэйшы час яна будзе прыпыненая. Будем спадзявацца што толькі на час. Не хацелася б каб з-за адной дзяўчынкі пацярпелі ўсе дзеці што страцяць магчымасць адпачыць у нармальных умовах...