Лібералізацыя Белтэлекаму адкладаецца. "У інтарэсах грамадзянаў"

Нагадаю перадгісторыю: зь ініцыятывы міністэрства сувязі Беларусі беларускі парлямэнт прыняў у двух чытаньнях папраўкі да закону аб сувязі, згодна зь якімі дзяржаўны манапаліст "Белтэлекам" пазбаўляўся выключнага права на спалучэньне сетак у сярэдзіне краіны. Кажучы простымі словамі, на дадзены момант трафік між сеткамі "Вэлкаму" ды "МТС" ідзе праз каналы "Белтэлекаму", за што дзяржаўны манапаліст пабірае неблагія грошы. Менавіта праз гэта кошты міжсеткавых тэлефанаваньняў трымаюцца на вышыні ў 170 - 400 рублёў ужо трэці год, у той час як тэлефанаваньні ў сярэдзіне сеткі каштуюць ад 30 рублёў (мінімальны кошт на Вэлкаме - 35 рублёў, на МТС - 25 рублёў, на ўлюбёны нумар).

Справа ў тым, што пры ажыцьцяўленьні міжсеткавых тэлефанаваньняў у кошт званкоў закладаюцца тыя грошы, якія апэратар, адкуль ажыцьцяўляецца званок, павінны заплаціць апэратару прызначэньня за выкарыстаньне ягонае сеткі. Такім чынам, на дадзены момант я, як абанэнт "Вэлкам", пры тэлефанаваньні на той жа ж "Life :)" плачу свайму апэратару, Life :) ды "Белтэлекаму", які спалучае сеткі розных мабільных апэратараў.

Калі б манаполія была прыбраная прынамсі ў гэтай частцы, то апэратары мелі права да простага спалучэньня сваіх сетак і з кошту званку, які нясе канчатковы абанэнт, вымаўся б трэці складнік, а менавіта той тарыф, што ідзе дзяржаўнаму манапалісту. Празь некаторы час гэта спрычынілася б да зьяўленьня ў Беларусі анлімаў - пакетаў, дзе абанэнт плоціць фіксаваную суму ды мае магчымасьць тэлефанаваць ў сеткі ўсіх апэратараў колькі заўгодна. Натуральна, ва ўмовах манаполіі ды розьніцы коштаў "сваіх" ды "вонкавых" званкоў у амаль дзесяць разоў у некаторых выпадках аб гэтым казаць няма сэнсу.

Першапачатковы плян выглядаў наступным чынам: па прыняцьці паправак у закон ён меўся быць накіраваным на подпіс сп. Лукашэнку, пасьля чаго аўтаматычна пачынаўся адлік дзевяцімесяцавага пэрыяду, дадзенага апэратарам ды мінсувязі на ўладкаваньне ўсіх адміністрацыйных пытаньняў. Такім чынам, калі апэратары прадэманстравалі б пры спалучэньні сетак гэткі самы пэнд, зь якім рабіліся заявы пра пляны па гэтай частковай лібералізацыі, ужо напрыканцы 2009 году можна было б чакаць зьяўленьня новых тарыфаў з значна ніжэйшымі коштамі міжсеткавых званкоў.

Але пляны зьмяніліся: сп. Лукашэнка не падпісаў папраўкі ды накіраваў іх на дапрацоўку, палічыўшы, што скасаваньне манаполіі на дадзены момант ёсьць заўчасным захадам. Як і варта было чакаць, усе дэпутаты парлямэнту з папраўкамі пагадзіліся й адкацілі тое, што самі прынялі, вызнаўшы, што такая лібералізацыя будзе не ў інтарэсах саміх грамадзянаў...

Лічыцца, што "Белтэлекам" мае манаполію, каб захаваць кошты на званкі па рэспубліцы "сацыяльнымі" (нізкімі). Страты на спалучэньні ў сярэдзіне краіны кампэнсуюцца за кошт высокіх коштаў на міжнародныя званкі ды за кошт тых грошаў, што манаполія дастае ад мабільных ды сеціўных правадэраў. Але, калі паглядзець вось на гэтую табліцу тарыфаў, то сацыяльнымі выглядаюь толькі званкі па месту або мястэчку знаходжаньня - 9,5 рублёў штохвіліны. Званкі ў межах вобласьці (22 рублі) толькі нязначна адрозьніваюцца ад найніжэйшага тарыфу МТС у 30 рублёў, а хвіліна па рэспуліцы (63,9) каштуе ўжо як дзьве МТСныя хвіліны. Пры гэтым яшчэ тры гады таму кошт тэлефанаваньняў у межах рэспублікі зусім нязначна перавышаў 30 рублёў.

Такім чынам, на дадзены момант канкурэнтаздольнай сувязь манапаліста застаецца толькі ў межах места або вобласьці. Пры ажыцьцяўленьні званкоў у межах рэспублікі таньней карыстацца з мабільных тэлефонаў. Асабліва з стартам кампаніі "Усе на Вэлкам" (занальны код 8-044-5), пры падлучэньні да якой кожны абанэнт дастае да 500 хвілінаў на званкі на нумары ў гэтай самай занальнай зоне бясплатна. 

Такім чынам, тэндэнцыя навідавоку: першай сацыяльны характар згубіць рэспубліканская сувязь, потым - рэгіянальная, і ў рэшце рэшт - месцовая. Але колькі да гэтага чакаць? Спадзяюся, не пяць гадоў. Брак грошаў у дзяржавы на тле крызы надае надзею, што кошты званкоў па местах будуць падвышацца, і тады яна перапыніць быць сацыяльнай.

Любителям экзотических блюд и заморской еды рекомендую почитать, что такое изысканная кулинария, и попробовать приготовить несколько рецептов.